Rama në Azerbajxhan, takim me krerët e shtetit dhe vizitë në memorialin e varrezave të dëshmorëve

Nga OraNews Përditësimi i fundit 14 Prill 2022, 12:37

Kryeministri Edi Rama mbërriti mëngjesin e sotëm në Azerbajxhan në kuadër të vizitës së tij zyrtare.

Ai është pritur me ceremoni shtetërore në aeroportin ndërkombëtar “Heydar Aliyev”.

Gjatë qëndrimit në Azerbajxhan,  kreu i qeverisë shqiptare do zhvillojë një takim kokë më kokë me presidentin Ilham Aliyev.

Në orën 16:00, ai do vizitojë memorialin e varrezave të dëshmorëve. 

Në 16:30 do të takohet me kryetarin e Kuvendit të Azerbajxhanit, Sahiba Gafarova dhe më pas me homologun e tij  Ali Asadov në 18:00.

Ndërkohë të premten ai do të fluturojë drejt Stambollit ku do të takohet me përfaqësues të kompanisë “Tubitak”.

Axhenda

E enjte, 14 prill

07.00 – Fluturim i posaçëm drejt aeroportit ndërkombëtar “Heydar Aliyev”

13.40 – Takim tete-a-tete me z. Ilham Aliyev, President i Republikës së Azerbajxhanit

6.00 – Vizitë në memorialin e varrezave të dëshmorëve

16.30 – Takim bilateral me znj. Sahiba Gafarova, Kryetar i Kuvendit të Republikës së
Azerbajxhanit

18.00 – Takim bilateral me z. Ali Asadov, Kryeministër i Republikës së Azerbajxhanit

E premte, 15 prill

 11.00 – Fluturim i posaçëm drejt aeroportit të Stambollit

 13.30 – Takim me përfaqësues të kompanisë “Tubitak”