Përfshihet nga flakët shtëpia e ish-oficerëve në Vlorë
Nga Edi Ruçi Përditësimi i fundit 11 Prill 2022, 16:09
Ish-shtëpia e oficerëve në Vlorë është përfshirë nga flakët pasditen e sotme, 11 prill.
Shtëpia përdorej prej vitesh si banesë e braktisur ku strehohen njerëzit në nevojë.
Dyshohet se njëri prej personave që qëndronte aty i ka vënë flakën një kolltuku për tu ngrohur.
Zjarri ka dalë jashtë kontrollit dhe më pas ka marrë flakë një pjesë e banesës.
Nuk raportohet për persona të lënduar. Zjarrfikësja ka arritur të vendosë nën kontroll flakët.
