Duke pritur për ndonjë sulm rus, rrugët e Kievit shfaqen të qeta gjatë shtetrrethimit
Nga OraNews Përditësimi i fundit 22 Mars 2022, 20:36
Pas thasëve dhe bllokadave me rërë, Kievi po pret.
Në ditën e 27-të të pushtimit, avancimi i trupave ruse duket se është i ngecur në veriperëndim dhe lindje të kryeqytetit ukrainas, i cili është sërish nën shtetrrethim.
Ky është shtetrrethimi i tretë që nga fillimi i luftës, i vendosur nga e hëna në mbrëmje deri në mëngjesin e së mërkurës.
Të gjitha dyqanet janë mbyllur dhe rrugët janë të shkreta pasi tymi i një sulmi tjetër rus duket në periferi të qytetit.
Ndërkohë Rusia thotë se do të donte që bisedimet e saj të paqes me Ukrainën të ishin më aktive dhe thelbësore pas disa raundeve negociatash jo të suksesshme.
Presidenti ukrainas Volodymyr Zelensky rinovoi ofertën e tij për bisedime të drejtpërdrejta me homologun e tij rus, Vladimir Putin.
Nga ana tjetër, autoritetet ukrainase njoftojnë se po bëjnë përpjekje për të shpëtuar civilët nga porti jugor i bombarduar i Mariupolit.
Zëvendëskryeministrja Iryna Vereshchuk thotë se autoritetet do të përpiqen të largojnë të gjithë banorët e mbetur nga qyteti, të cilin e përshkruan si "një peizazh ferri i ngrirë i mbushur me trupa të vdekur dhe ndërtesa të shkatërruara".
