E shpëtoi nga mbytja dhe më pas e qëlloi, policia refuzon të akuzojë burrin nga Karolina e Jugut
Nga OraNews Përditësimi i fundit 22 Mars 2022, 20:34
Zyrtarët në shtetin amerikan të Karolinës së Jugut thonë se nuk do të ngrenë akuzat kundër një skafisti që shpëtoi një të mbytur, përpara se ta qëllonte për vdekje.
Nathan Drew Morgan, 29 vjeç, u qëllua nga një 74-vjeçar i paidentifikuar të martën e kaluar pasi u tërhoq nga liqeni Keowee.
Një raport i autopsisë vendosi që Morgan kishte vdekur nga një e shtënë e vetme me armë në gjoks në bordin e varkës ponton të burrit.
Por departamenti i Sherifit të Qarkut Oconee tha se prokurorët kishin përcaktuar se të shtënat kishin ndodhur në vetëmbrojtje.
Në një deklaratë të shkurtër, zyrtarët thanë se avokati i qarkut të 10-të David Wagner mori vendimin pas takimit me hetuesit.
Zyrtarët nga departamenti i sherifit thanë se Morgan dhe një femër e paidentifikuar ishin në ankth kur u zbuluan, pasi kishin rënë nga një Jet Ski në ujë. Asnjëri nuk kishte veshur një xhaketë shpëtimi.
"Burri, i cili ishte shpëtuar, u nervozua dhe filloi të sulmonte çiftin," thanë oficerët në një deklaratë të mëparshme.
Sherifi Mike Crenshaw i tha Journal of Seneca se Morgan mund të ketë qenë i dehur.
Gjithashtu pretendohet se gruaja me Morganin e kanë shtyrë përsëri në ujë në përpjekje për të qetësuar situatën, pas së cilës ai u shpëtua sërish nga 74-vjeçari.
Megjithatë, Morgan u qëllua më pas nga burri i panjohur, i cili pretendoi se kishte frikë për jetën e tij dhe të gruas së tij ndërsa sulmohej.
Liqeni Keowee është një rezervuar jashtëzakonisht i rrezikshëm i krijuar nga njeriu, i cili ka parë një numër të madh vdekjesh gjatë 30 viteve të fundit.
