Mbretëria e Bashkuar i dha Ukrainës mbi 4000 sisteme raketore antitank
Nga OraNews Përditësimi i fundit 22 Mars 2022, 17:24
Mbretëria e Bashkuar u ka ofruar forcave ukrainase më shumë se 4,000 sisteme raketore antitank për të ndihmuar në rezistencën e tyre kundër agresionit rus, thotë Ministria e Mbrojtjes.
Në një seri postimesh në Twitter, ministria thotë se pajisjet e dërguara ishin NLAW (Armë e Lehta Anti-Tanke e Gjeneratës së ardhshme).
Ministria i referohet gjithashtu një videoje që e përshkruan si propagandë ruse.
Duket se bëhet për pamjet e publikuara nga dy persona rusë, të cilët pyetën Sekretarin e Mbrojtjes të Mbretërisë së Bashkuar, Ben Wallace, për një program të supozuar të armëve bërthamore për Ukrainën, dhe të cilët dukej se sugjeronin se Mbretëria e Bashkuar po i mbaronte armët antitank.
Në postimet në Twitter, Ministria e Mbrojtjes thotë se Mbretëria e Bashkuar ka sisteme të mjaftueshme armësh për të mbrojtur sigurinë kombëtare të Mbretërisë së Bashkuar dhe për të ruajtur angazhimet ndaj NATO-s.
"Njerëzit duhet të jenë shumë skeptikë në lidhje me raportimin dhe pranimin si të vërtetë të çdo pjese të këtyre klipeve të stisura nga shteti rus," shton ai.
