Basha nuk përmend fjalën dorëheqje e flet për presion: Nuk heq dorë nga kauza
Nga OraNews Përditësimi i fundit 10 Mars 2022, 15:02
Kryetari i PD-së Lulzim Basha u shpreh i gatshëm të bëjë gjithçka që PD të dalë nga ajo që e quan “trauma” por pa përmendur fjalën dorëheqje.
"Unë jam gati të bëj gjithçka dhe kam qenë gati të bëj gjithçka"
A po negocioni një tryezë me komisionin e Rithemelimit?
“Unë personalisht do të bëj gjithçka që PD të dalë nga trauma e pësuar më 6 mars” tha ai në një prononcim të dytë për sot pasi doli nga Kuvendi.
Basha gjithashtu përcolli dhe një mesazh se kushdo që mendon se i bën presion e ka gabim. Debatet në mbledhjen e të hënës në selinë PD thotë se kanë qënë të mbuluara me emocione dhe se duhet një analizë e ftohtë.
“Unë jam në dispozicion si kryetar si anëtar e si demokrat. Kauza është forcimi ringritja e PD-së. kushdo që mendon se më bën presion mua e demokratëve për të hequr dorë nga kauza e ka gabim. Jam gati të bëj gjithçka por aktualisht ne kemi nisur një proces, të lodhur të acaruar të emocionuar, disa kanë kërkuar që procesi të shtrihet në masë, si alternativë e vetme. Do merren vendime pasi gjërat të analizohen me gjakftohtësi. Kjo është e rëndësishme. “
