Covidi u harrua për fushatë, infektimet në Shkodër u ulën gjatë shkurtit, pritet shpërthim në mars
Nga Bepin Kolvata Përditësimi i fundit 1 Mars 2022, 14:35
Infektimet me Covid 19 shënuan rënie gjatë muajit shkurt në Shkodër, por mjekët presin një shpërthim të ri në mars. Frika lidhet me Fushatën për zgjedhjet e 6 marsit, ku rreziku i virusit duket se ka qenë shqetësimi i fundit.
Dy ditët e fundit të shkurtit u mbyllen pa infektime me Covid -19 në Shkodër, ndërsa i gjithë muaji shënoi rënie drastike të rasteve të reja.
"Numri i infektimeve ka ardhur çdo ditë në rënie sa i përket muajit shkurt."
Nga testet e kryera, qytetarët që dolën pozitiv, rezultuan mbartës të variantit të ri Omicron, por pa simptoma të rënda.
"Ka qenë dominant në 90% të rasteve duke mos përjashtuar Deltën. Pjesa më e madhe janë të pavaksinuar. Rastet te të miturit janë sporadike."
Frika që kanë mjekët lidhet me fushatën elektorale të këtyre 2 javëve, ku grumbullimet kanë qenë prezente, ndërsa për respektim masash as që mund të flitet.
"Grumbullimet janë faktor risku, duhet të zbatojnë masat dhe mund të pritet një rritje e lehtë e rasteve të invektimeve".
Apeli i mjekëve është që periudha post-Covid, për ata që dolën pozitiv, të mos neglizhohet.
Aktualisht Shkodra si qark ka në total 106 qytetarë aktivë me koronavirus.
