Në rresht për një, shikoni si largohen diplomatët ndërsa ministri i Jashtëm rus i drejtohet OKB-së

Nga OraNews Përditësimi i fundit 1 Mars 2022, 14:21

Përfaqësuesit nga Evropa dhe aleatët e tjerë u larguan gjatë një fjalimit të ministrit të Jashtëm rus Sergej Lavrov në konferencën e OKB-së për Çarmatimin që u mbajt këtë të martë në Gjenevë.

Lavrov nuk ishte i pranishëm fizikisht por përmes një videokonference që nuk dihej nëse ishte direkt apo e regjistruar më parë.

Një video e postuar nga delegacioni francez tregon dhjetëra zyrtarë që largoheshin nga salla, ndërsa Lavrov e nisi fjalimin e tij përmes lidhjes video.

“BE dhe partnerët e saj u larguan gjatë deklaratës së ministrit Lavrov në Konferencën për Çarmatimin këtë mëngjes për të treguar mbështetjen tonë për Ukrainën”, thuhej në Tëitter. 

Gjatë fjalimit të tij në Këshillin e OKB-së për të Drejtat e Njeriut, Lavrov tha se nuk mori pjesë personalisht për shkak të atyre që ai i quajti masa "të egra" nga Bashkimi Evropian në zbatimin e sanksioneve ndaj Rusisë pas pushtimit të paprovokuar të Ukrainës.