Ja tuneli i nëndheshëm që do përdornin grabitësit për të vjedhur bankën tek bulevardi "Zogu I"
Nga OraNews Përditësimi i fundit 22 Shkurt 2022, 13:30
Ora News sjell video të tunelit të nëndheshëm që do të shfrytëzonin grabitësit për të vjedhur një bankë të nivelit të dytë në bulevardin "Zogu I"
Tuneli e ka hyrjen në fund të bulevardit, ndërkohë që banka është në fillim të bulevardit rreth 300 metra.
Policia kishte marrë informacion se po kryheshin gërmime.
“Shërbimet e Policisë, në bazë të informacioneve të siguruara në rrugë operative, se në bulevardin "Zogu I" po kryheshin gërmime, duke përdorur tunele të nëndheshme, me qëllim depërtimin në ambientet e brendshme të një banke të nivelit të dytë, falë reagimit të menjëhershëm, kanë bërë të mundur parandalimin e vjedhjes në bankë.
Shërbimet e Policisë janë duke kryer hetime të thelluara me qëllim identifikimin, kapjen e autorëve dhe vënien e tyre para përgjegjësisë" informoi policia.
Materialet hetimore i kaluan Prokurorisë së Rrethit Gjyqësor Tiranë, për veprime të mëtejshme procedurale, për veprën penale "Vjedhja e bankave dhe arkave të kursimit" kryer në bashkëpunim”.
