Mijëra fara kanabisi, armë dhe fishekë në banesë, arrestohet 59-vjeçari në Gjirokastër
Nga OraNews Përditësimi i fundit 22 Shkurt 2022, 09:27
Policia e Gjirokastrës ka sekuestruar 1381 fara të dyshuara si e bimës narkotike cannabis sativa, 3 armë gjahu pa leje dhe 21 fishekë arme gjahu dhe ka vënë në pranga poseduesin.
Në kuadër të operacionit "GREEN SEED 2" u arrestua Lame.K 59 vjeç, banues në fshatin Këllëz, Gjirokastër.
Gjatë kontrollit të ushtruar në banesën e këtij shtetasi u gjetën 1381 fara të dyshuara si e bimës narkotike cannabis sativa, 3 armë gjahu pa lejet përkatëse dhe 21 fishekë arme gjahu, të cilat u sekuestruan në cilësinë e provës materiale.
Materialet në ngarkim të tij i kaluan Prokurorisë pranë Gjykatës së Shkallës së Parë Gjirokastër, për veprat penale "Prodhimi dhe shitja e narkotikëve" dhe "Prodhimi dhe mbajtja pa leje e armëve të gjuetisë dhe sportive".
