Inter i pafuqishëm, e mposht Sassuolo. Milani mbetet në krye (Video)
Nga OraNews Përditësimi i fundit 20 Shkurt 2022, 20:00
Një tjetër humbje për Interin, kësaj radhe në Serinë A. Ndoshta kjo në kampionat do të ketë më shumë pasoja për zikaltërit në fund të sezonit teksa Sassuolo, një mace e zezë per Interin, fitoi në “San Siro” me meritë 2-0.
Skuadra e Inzaghit mund të shkonte në krye me një fitore sonte por miqtë u dhanë një leksion të mirë ku që në pjesën e parë arritën të shënonin dy herë, fillimisht me Raspadorin në minutën e 8’ e më pas me Scamaccan në 26’ duke bërë të heshtë “San Siro”.
Pas një pjese të parë katastrofike, zikaltërit tentojnë të rikuperojnë në pjesën e dytë por shoku i dy golave është i madh dhe dukshëm ndikoi në paraqitjen e lojtarëve.
Dzeko pati një rast për të hapur ndeshjen në 61’ por nuk arriti të shënonte ndërsa minutat që ecnin shtuan presionin mbi ekipin e Inzaghit.
Gjithsesi asnjë gol nuk arriti të shënonte Interi duke mbyllur një ndeshje të shëmtuar që i lë terren Milanit të ruajë kryesimin dhe të avancojë drejt titullit./Ora News/.
