"Këta nuk meritojnë më asnjë shans" Meta çon si provë në Kushtetuese edhe posterin e PS. Publikon dokumentin me 72 pyetje përgjigje
Nga OraNews Përditësimi i fundit 8 Shkurt 2022, 09:31
Presidenca publikon dokumentin me 72 pyetjet dhe përgjigjet reciproke që iu drejtuan Gjykatës Kushtetuese.
Pyetjes nr 21 si e vlerësoni formulën e betimit dhe a mendoni se i keni respektuar detyrimet që përmban ajo, sidomos në lidhje me garantimin e statusit neutral e moderues midis forcave politike
Meta thotë se iniciativat e kanë qenë të panumërta për të frenuar konfliktet, për të respektuar parimet e shtetit të së drejtës nga secila palë, për të mos u cenuar stabiliteti i vendit dhe kredencialet e tij demokratike, dhe për të mos ngrirë procesin e çeljes së negociatave të Shqipërisë me Bashkimin Evropian.
Ndërsa solli si provë të sulmit të maxhorancësh aktivitetin publik politik të datës 10 mars 2021 ku PS prezantoi kandidatët e saj për zgjedhjet e 25 prillit.
Foto: LSA
Kryeministri/Kryetar i Partisë Socialiste Edi Rama, në prezantimin publik të kandidatëve për deputetë, Etilda Gjonaj, ministre e Drejtësisë, e krahasoi si kandidate me Presidentin e Republikës, duke i dhënë Presidentit cilësinë e deputetit apo kandidatit për zgjedhje.
Një provë tjetër është dhe posteri propagandistike i vendosur në vende publike nga Partia Socialiste në qytetet Gjirokastër, Durrës dhe Tiranë, në kundërshtim me nenin 79 të Kodit Zgjedhor.
Pyetje: Këtë presidenti e quan provë “skandaloze” të sulmit të mazhorancës ndaj Presidentit të Republikës.
Përgjigje: Presidenti i Republikës është atakuar në të gjitha llojet e formave, dhe kjo fushatë fyerjesh dhe denigrimi është frymëzuar personalisht nga Kryetari i Partisë Socialiste dhe Kryeministri i vendit Edi Rama.
Faktet shumë të rënda publike lidhur me këtë gjenden në qëndrimin e dorëzuar që prej datës 1 korrik 2021, duke filluar që nga vendosja e Posterave të mëdhenj publik vendosur në akset kombëtare të vendit, nga Kryeqyteti, deri në qytete të tjera, ashtu si dhe në aktivitetet politike elektorale të Kryeministrit, i cili me video, foto, fjalë, ka fyer haptazi dhe publikisht Presidentin e Republikës. Këto fakte janë të njohura prej të gjithë shqiptarëve.
Foto: LSA
Disa nga pyetjet që presidenti i dha përgjigje
- Keni përmendur shpesh “popullin e 2 marsit”. Cila është sipas jush kjo kategori, duke vlerësuar pjesëmarrjen e popullit në zgjedhje dhe rezultatet zyrtare të KQZ- së për pjesëmarrjen në zgjedhje dhe votat e marra nga shumica qeverisëse.
- Shprehje të tilla si “ditën e votimeve t'i mprehin sfurqet”, “Lidheni të Marrin”, “regjimit të dhunës edhe tri ditë dhe i vjen fundi përgjithmonë”, “Presidenti, gati për të firmosur dekretin për mbrojtjen e Republikës! Shqipëria e shqiptarëve! Vdekje tradhtarëve!”, “një pikë gjaku të derdhet nesër, por edhe një pikë loti, mjerë ju!”, “ndëshkoni pa mëshirë më 25 prill këdo që ju bën presion me votën, këdo që tenton t'ju blejë votën, këdo që ju ka mashtruar”, “Një votë po u prek, do pritet një dorë”, apo shprehja “të fus në burg”, çfarë qëllimi kanë pasur, duke konsideruar rolin e Presidentit si përfaqësues i unitetit të popullit, si organ super partes dhe moderues i tre pushteteve të tjera?
Përgjigje: Kjo pyetje mund të jetë e influencuar nga pasojat e propagandës toksike publike të partisë në pushtet, e cila vijon pandërprerë sulmin ndaj Kreut të Shtetit. Metaforat, epitetet, alegoritë, dhe figurat e tjera letrare, do të ishin objekt interesant debati për gjuhëtarët dhe filologët, por jo për Gjykatën Kushtetuese. Por në funksion të respektit dhe transparencës me qytetarët shqiptarë, ju kujtoj se fushata e 25 prillit 2021, u tensionua në nivele ekstreme për shkak të aktorëve politikë, duke kulmuar edhe me humbje jete (si ngjarja e Elbasanit), sulme të armatosura (si rasti i Kavajës), e dhjetra ngjarje të tjera deri në situatat shumë të rënda provokative (si ngjarjet e Fierit).
-A mendoni se akuzat ndaj përfaqësuesve të misioneve diplomatike bërë në daljet tuaja publike në media apo rrjetet zyrtare e sociale si të korruptuar apo ato për rrezikun e integritetit tuaj fizik kanë bazë faktike dhe nëse po, a keni bërë denoncim në organet përkatëse?
-Pse zgjodhi Presidenti të shkojë fizikisht në selinë e një partie politike?
-A keni patur ju kundërpërgjigje nga këto organe të pavarura, qoftë me shkrim, apo ndonjë ankesë ose kallëzim për ndërhyrje në institucionet e pavarura
-Ju, pretendoni se në veprimet e Presidentit, nuk ka asnjë shkelje, apo nuk ka asnjë “shkelje të rëndë” të Kushtetutës?
Më 7 shkurt në Gjykatën Kushtetuese u mbajt seanca e tretë e shqyrtimit të kërkesës së Kuvendit për shkarkimin e presidentit Ilir Meta. Palët lexuan konkluzionet përfundimtare dhe Gjykata Kushtetuese ka 30 ditë kohë për të shpallur vendimin.
