Parkimet dyshe, stres më vete në Tiranë, qytetarët: Bllokohen korsitë, s’kemi ku të kalojmë
Nga Katerina Hysenllari Përditësimi i fundit 7 Shkurt 2022, 17:24
Të jesh drejtues automjeti në Tiranë është një sfidë e vërtetë. Parkimet dyshe në rrugët e kryeqytetit janë kthyer në stres për qytetarët, pasi “të fortët” e kryeqytetit bllokojnë korsitë e rrugëve dhe rëndojnë trafikun. Edhe pse situata është shqetësuese dhe e denoncuar disa herë në media, Policia e Shtetit vijojnë të mos marrin masa.
Parkimet dyshe janë kthyer trend i makinave në rrugët e Tiranës.
"Ka shumë ngarkesë rruga."
"Shumë problematike."
"Të bezdisin por çfarë të bëjmë."
"Është shumë problem sinqerisht."
Përveç faktit se bllokojnë trafikun, makinat bllokojnë edhe korsinë e biçikletave dhe pavarësisht kësaj Policia e Shtetit dhe nuk ka marrë masat e duhura.
Megjithatë duhet thënë se mungon edhe sinjalistika e duhur e cila të parandalojë këtë problem.
Si pasojë, trafiku rëndohet edhe më shumë në rrugët me dy korsi.
"Lart ishte e bllokuar në dy krahët, të lënë një sens."
E gjithë kjo situatë është kthyer në stres për drejtuesit e automjeteve.
"Është stres më vete, jemi jashtë kontrollit për çdo gjë."
