Temperatura nën 0, ja si do të jetë moti sot
Nga OraNews Përditësimi i fundit 2 Shkurt 2022, 07:27
Vendi ynë do të mbizotërohet nga mot me kthjellime dhe vranësira ditën e sotme.
Sipas Meteoalb në jug të vendit do të ketë vranësira të dendura dhe shira të dobët dhe të përkohëshëm.
Parashikohet që pasditja dhe mbrëmja të largojnë vranësirat nga i gjithë territori i vendit duke ri-kthyer motin e kthjellët por të ftohtë.
Temperaturat e ajrit do të ulen ndjeshëm në mëngjes ndërkohë nga mesdita vlerat do luhaten nga -8°C deri në 11°C.
Era do të fryjë mesatare deri e fortë me shpejtësi 45 km/h nga drejtimi verilindor, kjo do të bëjë që në brigjet detare të krijohet dallgëzim.
