"Koha e zarfeve të Lul Bravës ka mbaruar" Balliu thirrje demokratëve të Lushnjes të vendosin kandidat për zgjedhjet e pjesshme
Nga OraNews Përditësimi i fundit 22 Janar 2022, 19:43
Klevis Balliu u ka bërë thirrje demokratëve të Lushnjës të vendosin për kandidatin e tyre për zgjedhjet e pjesshme të 6 marsit.
Nga takimi me demokratët e Lushnjes Balliu shprehet se kandidati do të zgjidhet me votë nga demokratët.
Nëpërmjet një postimi në Faecbook, Balliu thumbon sërish Lulzim Bashën, duke thënë se "koha e zarfëve të Lul Bravës ka mbaruar."
Postimi i plotë:
"Takim entuziast me demokratët e Lushnjes. Koha e zarfeve të Lul Bravës ka mbaruar. Kandidatin e demokratëve për Bashkinë Lushnje do ta zgjedhin me primare me votë vetë demokratët.
Ftoj të gjithë demokratët të marrin pjesë në primare për të vendosur kandidatin e tyre për zgjedhjet e pjesshme.
Jemi të bindur se së bashku do të shkojmë drejt fitores të sigurt përballë regjimit Rama-Brava. Këtë entuziazëm dhe frymë të demokratëve nuk e ndal askush. ASNJË HAP PAS."
Në datën 6 mars do të mbahen zgjedhjet e pjesshme vendore në 6 bashkitë e vendit: Vorë, Lushnje, Rrogozhinë, Durrës, Dibër dhe Shkodër. Kur ende nuk ka nisur fushata zgjedhore, ethet e partive kanë nisur.
Komisioni i Rithemelimit do të hyjë me kandidatët e vetë në garë.
