Basha: Përulemi para veprës së përjetshme të Ibrahim Rugovës, arkitekti i pavarësisë së Kosovës
Nga OraNews Përditësimi i fundit 21 Janar 2022, 16:15
Kryedemokrati Lulzim Basha ka përkujtuar në 16 vjetorin e vdekjes së tij liderit historik të Kosovës, Ibrahim Rugova, përmes një postimi në Twitter.
Basha shkruan se Rugova është një simbol i përpjekjeve të Kosovës për pavarësi dhe shqiptarit që udhëhoqi lëvizjen më të madhe paqësore të Evropës moderne.
Ai shton se trashëgimia e tij politike dhe intelektuale, shndrin si arritja më e madhe e një lëvizjeje politike paqësore, e mishëruar sot në shtetin e pavarur të Kosovës.
Basha: Ne përulemi me mirënjohje të thellë kombëtare në këtë përvjetor të ndarjes nga jeta, para emrit dhe veprës së përjetshme të Ibrahim Rugovës, simbolit të përpjekjeve të Kosovës për pavarësi dhe shqiptarit që udhëhoqi lëvizjen më të madhe paqësore të Evropës moderne.
Arkitekti i pavarësisë së Kosovës mbetet frymëzim për çdo shqiptar që e ka të shenjtë interesin kombëtar. Trashëgimia e tij politike dhe intelektuale, shndrin si arritja më e madhe e një lëvizjeje politike paqësore, e mishëruar sot në shtetin e pavarur të Kosovës.
