Krim në familje, burri vret me kallashnikov gruan në Nenshat, Vau i Dejës. Tenton vetëvrasjen
Nga Bepin Kolvata Përditësimi i fundit 9 Janar 2022, 17:42
Një ngjarje e rëndë ka ndodhur mbrëmjen e sotme, 9 janar në fshatin Nenshat në Vaun e Dejës.
Burime për Ora News bëjnë me dije se burri ka vrarë me kallashnikov gruan.
Viktima Xh.T është rreth 40 vjeç.
Policia ndodhet në vendin e ngjarjes, ndërsa rrethanat janë të paqarta. Mësohet se çifti ka qenë i divorcuar. Pas krimit, burri ka tentuar që t'i japë fund edhe jetës.
"Vau i Dejës/ Informacion paraprak
Më datë 09.01.2022, rreth orës 16:44, në fshatin Nenshat, Bashkia Vau i Dejës, në rrethana ende të paqarta shtetasi N. H., rreth 50 vjeç, dyshohet se ka vrarë me armë zjarri ish bashkëjetuesen e tij, shtetasen Gj. T., 40 vjeçe.
Shtetasi N.H pas krimit dyshohet se ka tentuar të vrasë veten dhe për pasojë ka mbetur i plagosur dhe ndodhet nën kujdesin e mjekëve në Spitalin Rajonal Shkodër.
Grupi hetimor po vijon punën për sqarimin e rrethanave dhe zbardhjen e ngjarjes."
