Krimi në Vaun e Dejës, 50 vjeçari qëlloi për vdekje ish-gruan. Përfundon i plagosur në spital
Nga OraNews Përditësimi i fundit 9 Janar 2022, 18:10
Një ngjarje e rëndë tronditi fshatin Nenshat në Vaun e Dejës mbrëmjen e sotme, 9 janar.
Nikolin Hila qëlloi për vdekje me armë zjarri kallashnikov gruan 40 vjeçare e identifikuar si Xhuliana Topalli.
Gazetari Bepin Kolvata na informon se çifti ishin të divorcuar. Pas krimit, burri ka tentuar të vrasë veten dhe si pasojë ka mbetur i plagosur. Ai është dërguar në spital dhe ndodhet nën kujdesin e mjekëve.
Dyshimet e para janë që ngjarja ka ndodhur për motive të dobëta, për shkak të konflikteve që kanë pasur.
Polica ndodhet në vendin e ngjarjes dhe po merren në pyetje dëshmitarët dhe familjarët për zbardhjen e rrethanave të ngjarjes.
