Motori del nga rruga dhe përplaset me shtyllën e tensionit, vdes i riu në Kamzë

Nga OraNews Përditësimi i fundit 4 Janar 2022, 14:32

Një aksident me pasojë vdekjen ka ndodhur pasditen e sotme në Tiranë.

Ngjarja ka ndodhur rreth orës 13:35, në Kamzë, në vendin e quajtur "Tre fushat".

Shtetasi E. K., rreth 30 vjeç, duke drejtuar motomjetin, ka humbur kontrollin mbi drejtimin e motomjetit dhe ka dalë nga rruga duke u përplasur me një shtyllë tensioni.

Si pasojë e përplasjes, shtetasi E. K., ka humbur jetën në vendngjarje.

Grupi hetimor ndodhet në vendngjarje dhe po punon për sqarimin e rrethanave të aksidentit.