Dembele mbush kupën me kërkesa të çuditshme, Barça do ta lërë në tribunë
Nga OraNews Përditësimi i fundit 30 Dhjetor 2021, 17:58
Barcelona duket se është lodhur me Ousmane Dembélé dhe po mendon seriozisht ta lërë atë në tribunë në pjesën e dytë të sezonit.
Siç raportohet nga TV3, Joan Laporta dhe Mateu Alemany do të bisedojnë me Xavi për mënyrën më të përshtatshme për t’i dhënë një mësim lojtarit për pjesën e mbetur të vitit; ose të paktën të kërkojnë një rrugëdalje për të marrë një pak euro në Janar për të ndihmuar situatën financiare të klubit.
24-vjeçari vijon të refuzojë që të rinovojë kontratën me klubin e Barçës e cila skadon në Qershor po as sjellja e tij nuk është prej profesionisti ndërkohë që agjenti i tij kërkon gjëra të “çuditishme” për firmën.
Te Barcelona ndihen bashkëfajëtorë për situatën e krijuar dhe i kuptojnë tifozët, të cilët nuk mund ta besojnë sesi një futbollist të cilit klubi i ka kushtuar 140 milionë Euro, kujdes maksimal gjatë gjithë kohës dhe nuk ka dhënë asgjë, është i aftë të bëjë presion me kushte të tilla ekonomike. Tribuna për Dembele është gati./Ora News/.
