Statuja e re e Cristiano Ronaldos fut në sherr miliona tifozë

Cristiano Ronaldo si të luajë si të mos luajë do të bëjë njerëzit të flasin për të.

Kësaj radhe portugezi ka shkaktuar polemika të mëdha për shkak të një statuje të re që është ngritur për të vlerësuar portugezin por edhe për të frymëzuar të rinjtë që të ndjekin këtë shembull në futboll.

Bëhet fjalë për statujën e ngritur në shtetin Goa të Indisë ku futbolli padyshim që është sporti më popullor dhe Cristiano Ronaldo është idhull për qindra mijë tifozë.

Por kur flitet për statuja në Indi, duhet të merren parasysh shumë gjëra për një popull shumë besimtar e për më tepër në një shtet që ka qenë nën pushtimin portugez për shumë vite.

Goa në fakt prej 60 vitesh ka fituar pavarësinë nga ndikimi portugez dhe statuja e një portugezi nuk është pritur aspak mire.

“Jam shumë i zhgënjyer kur dëgjova se ata kanë ngritur një statujë kushtuar Ronaldos. Ne mësojmë të jemi krenarë për ikonat tona, si Samir Naik dhe Bruno Coutinho," tha një banor lokal duke iu referuar dy ish-të njohurve. futbollistët vendas.

Nga ana tjetër raportohet se gjatë zbulimit të statujës disa njerëz valëvitën flamuj të zi në shenjë proteste. Të tjerë besojnë se është fyese instalimi i statujës pikërisht gjatë festimeve të 60-vjetorit të pavarësisë nga Portugalia, e cila ndodhi 14 vjet pasi pjesa tjetër e Indisë u çlirua nga sundimi britanik.

Polemikat ndërkohë vazhdojnë dhe miliona indianë janë të përçarë pasi ka edhe tifozë vendas që e adhurojnë Ronaldon dhe e mbështesin këtë statujë./Ora News/.