"Do takohem me deputetët e PD", Berisha: Do thërras në takim Dumën, Salianjin, Tabakun. Nuk përjashtoj as Bashën
Nga OraNews Përditësimi i fundit 13 Dhjetor 2021, 22:36
Ish-Kryeministri Sali Berisha është se do të thërrasë në takime deputetët e grupit parlamentar të PD.
Ai është shprehur se beson se deputetët e PD të pajtohen me vendimet që u morën në Kuvendin Kombëtar që u zhvillua më 11 dhjetor.
Sali Berisha: Do filloj t'i thërras dhe të bisedoj me ta. Kam qenë në një proces intensiv pune. Qëndrimi i tyre se nuk duam që në këtë përplasje të anësojmë, nuk mund të mos respektohej nga unë. Por tani që vendosi Kuvendi ftoj secilin prej tyre të pajtohet me vendimet e Kuvendit të cilat janë apoteozë, apo Kushtetutë e vërtetë e lirisë, vendosen për herë të parë disa prej tyre. Vlerat më të arrira të lirisë të vendeve të zhvilluara", u shpreh Berisha.
I pyetur se nëse do të thërrasë edhe kritikët e tij më të ashpër, Grida Dumën, Ervin Salianjin, Jorida Tabakun dhe Agron Gjekmarkajn, Berisha u shpreh se nuk do të përjashtoj asnjë. Të njëjtën përgjigje ka dhënë edhe për Lulzim Bashën.
Pyetje: Do thërrisni edhe Gjekmarkajn, Salianjin, Dumën dhe Tabakun që janë kritikët tuaj më të ashpër?
Sali Berisha: Nuk përjashtoj asnjë.
Pyetje: Do e thërrisni Bashën për takim?
Sali Berisha: Zoti Basha mbetet deputet i PD. Nuk përjashtoj njeri.
Këtë deklaratë Berisha e bëri në emisionin “Çim Peka” në Syri.Tv
