Arrestohen tre persona për vrasjen në Gllogjan, motivet e sulmit lidhen me ....
Nga OraNews Përditësimi i fundit 11 Dhjetor 2021, 20:23
Policia e Kosovës ka arrestuar tre persona lidhur me vrasjen e trefishtë në Gllogjan. Sipas burimeve, bëhet fjalë për tre të arrestuar nga fshati Gllogjan, Halil Mehmetaj dhe dy djemtë e tij.
Tre të arrestuarit dyshohet se kanë lidhje me vrasjen e shoferit Gani Gjokaj dhe dy nxënësve Genta Mustafaj dhe Ledion Hamzaj në Gllogjan.
Motivet e këtij sulmi lidhen me një rast të vetëvrasjes të një vajze po nga ky fshat.
Sipas familjes së vajzës së vetëvrarë arsyeja e kësaj vetëvrasje është shoferi i autobusit, Gani Gjokaj.
Prokuroria e Pejës ka thirrur konferencë të jashtëzakonshme sot në orën 21:30.
“Ju ftojmë të merrni pjesë në konferencën e jashtëzakonshme për media, e cila do të mbahet sonte nga ora 21:30, në objektin e Prokurorit të Shtetit, kati i tretë, salla e takimeve të KPK-së”, shkruhet në njoftim.
Vrasja e trefishtë në Gllogjan ndodhi mbrëmjen e 26 nëntorit 2021, pas një sulmi me kallashnikov që u bë drejtim të autobusit i cili ishte në lëvizje.
