Rriten infektimet, 19 raste të reja me Covid-19 në Kosovë
Nga OraNews Përditësimi i fundit 9 Dhjetor 2021, 15:32
Ministria e Shëndetësisë së Kosovës ka njoftuar se në 24 orët e fundit janë regjistruar 19 raste të reja me COVID-19 në Kosovë.
Siç njofton MSH-ja, në 24 orët e fundit është regjistruar një rast i vdekjes nga COVID-19.
MSH-ja bënë të ditur se në 24 orët e fundit janë testuar 2.236 testime.
Sa i takon vaksinimit, sipas MSH-së, gjatë 24 orëve të fundit janë administruar 2,999 doza.
Raportim i veçantë i rasteve pozitive është bërë gjatë ditës nga komunat e Kosovës të banuara me shumicë serbe, ku në to janë regjistruar 33 raste të reja me koronavirus.
Kjo është bërë e ditur në raportin e Shtabit të Krizës të Komunës së Mitrovicës së Veriut, të publikuar më 9 dhjetor. Ndërkaq, numri i rasteve aktive është 508.
Komunat me shumicë serbe nuk publikojnë rregullisht raporte lidhur me gjendjen epidemiologjike, por ato publikohen çdo dy apo tri ditë.
Në raportin e fundit nuk u raportua për ndonjë viktimë nga sëmundja COVID-19./REL/
