Edhe Korça "vishet" me të bardha, trashësia e borës në Dardhë deri 30 cm, bllokohet Panariti
Nga Iris Rezhda Përditësimi i fundit 30 Nëntor 2021, 08:21
Reshjet e borës kanë vijuar gjatë gjithë natës në qarkun juglindor.
Nga informacionet e deritanishme, mësohet se trashësia në Dardhë ka arritur në 30 cm, prej km të 7 e në vazhdim.
Qarkullimi bëhet me zinxhirë. Ndërsa në Voskopojë, bora deri në 10 cm.
Mbrëmjen e djeshme 4 mjete janë bllokuar në afërsi të Voskopojës por ndërhyrja e borëpastrueses dhe ndihma e qytetarëve me mjete të larta kanë hapur qarkullimin.
Të gjitha akset nacionale janë të hapura e të qarkullueshme pa probleme.
Më tepër se 40 cm borë raportohet në fshatin Panarit. Lëvizja e banorëve u bllokua. E pamundur që ata të qarkullojnë drejt fshatrave fqinjë.
Raportohet për mungesë të energjisë elektrike në 6 fshatra të njësisë Dardhas në Pogradec dhe disa fshatra të Maliqit.
Pa energji elektrike edhe Vithkuqi dhe gjysma e Bilishtit.
FOTO nga Voskopoja
FOTO nga Panariti
