Arrestohet në Milano 19 vjeçarja me origjinë kosovare, bashkëshortja e atentatorit të Vjenës

Nga Alba Kepi Përditësimi i fundit 17 Nëntor 2021, 14:29

Një 19-vjeçare me origjinë kosovare është arrestuar nga policia gjatë një bastisjeje në Milano. E reja është një italiane me origjinë kosovare. Policia thotë se bashkëshorti i vajzës kishte lidhje me sulmuesin e Vjenës, Kujtim Fejzulai

Vajza, e cila tashmë është transferuar në burg, akuzohet për bashkëpunim me qëllim terrorizmi . Hetimi është i koordinuar nga Prokuroria Publike e Milanos, e cila ka kërkuar dhe marrë urdhrin e arestit nga gjyqtari hetues.

Ajo ishte radikalizuar në moshën 16-vjeçare dhe ishte një mbështetëse e përkushtuar e ISIS-it. Hetimi nisi pas një raporti të inteligjencës në lidhje me bashkëshortin e vajzës, një kosovar 21-vjeçar i martuar janarin e kaluar, i cili kishte lidhje me sulmuesin e Vjenës, Kujtim Fejzulai. Vajza ishte zhvendosur në Milano disa muaj më parë në shtëpinë e vëllait të saj.

Sulmi në Vjenë ndodhi më 4 nëntor 2020, pak para bllokimit: Fejzulai qëlloi në pjesë të ndryshme të qytetit dhe vrau katër persona përpara se të vritej nga forcat e sigurisë.

“19-vjeçarja mbante mijëra imazhe dhe video në celularin e saj, disa prej të cilave ishin krijuar nga agjencia e komunikimit e Shtetit Islamik ‘Al Hayat Media Center’ të cilat përshkruanin objekte simbolike të organizatës terroriste si p.sh. flamuri i zi me dëshminë e shkruar të besimit, skenat e luftimeve (...), ekzekutimet përmbledhëse të të pafeve me prerje koke dhe zjarre, skena të sulmeve terroriste nga muxhahedinët në qytetet evropiane, veprat e të cilëve lartësohen”, thuhet në vendimin e gjykatës.

E reja quhet Bleona Tafallari, ajo ka lindur në Kosovë por ka banim në Milano. Siç thuhet në urdhrin e nënshkruar nga gjyqtari hetues Carlo Ottone De Marchi, ai ka marrë pjesë në organizatën e quajtur “Luanët e Ballkanit”, e cila është pjesë e shoqatës më të gjerë terroriste të Shtetit Islamik. 19-vjeçari ka kryer ‘funksionin e prozelitizmit për kauzën e islamit radikal ndaj vajzave kosovare, përfshirë edhe të miturat’, raporton Ora News.

Ekziston edhe fotografia e bombarduesit të ri, që i përket Isis-Khorasan, i cili hodhi veten në erë në aeroportin e Kabulit më 26 gusht, duke shkaktuar qindra të vdekur në mesin e civilëve që përpiqeshin të arratiseshin nga Afganistani tani në duart e talebanëve, midis mijëra pamjet e gjetura në celularin e 19-vjeçares. Mund të lexohet në urdhrin e paraburgimit. Mes fotove, përveç asaj në të cilën e reja paraqitet e veshur me nikab dhe dorezë të zezë me simbolin e ISIS-it, ka edhe ato të masakrës në redaksinë e Charlie Hebdo.