Përfundon procesi i legalizimit në bashkinë Pustec

Nga OraNews Përditësimi i fundit 13 Nëntor 2021, 22:42

Në Pustec ka përfunduar procesi i legalizimit brenda zonës urbane të kësaj Bashkie.

Drejtori i Përgjithshëm i Agjencisë Shtetërore të Kadastrës, Artan Lame shpërndau këtë të shtunë certifikatë e pronës për 160 objekte, ndërsa sqaroi dhe arsyen se përse Bashkia e Pustecit ishte e vetmja Bashki në vend ku nuk kishte filluar ende procesi i legalizimit.

Këtu në Pustec, në cilësinë e drejtorit të Kadastrës vij për herë të parë. E kisha të vështirë ta bëja, sepse në tetë vite të Berishës dhe tetë vite të kësaj qeverie, këtu nuk ishte bërë asnjë legalizim. Arsyeja ka qenë mungesa e detajimit dhe ndarjes së zonave të mbrojtura nga zonat urbane të Parkut të Prespës.

Lame u bën thirrje banorëve t shtëpive te vjetra te hyjnë dhe ata ne proces legalizimi. Pjese e objekteve të certifikuara ligjërisht është edhe Kisha e Kryeëngjëllit, e vendosur në qendër të Pustecit, e rindërtuar  nga themelet.

Për drejtorin e Kadastrës, sfidë dhe prioritet për Bashkinë e Pustecit mbetet regjistrimi i tokës bujqësore.