U vra sot në Astir, Erigers Mihasi ishte kthyer dje nga Gjermania, Armando Dumani shok i tij
Nga OraNews Përditësimi i fundit 13 Nëntor 2021, 21:03
Sërish atentatet në fundjavë tronditin kryeqytetin.
Këtë herë ka qenë një atentat në zonës e Astirit, ku kanë mbetur viktima 2 persona, Erigers Mihasi dhe Armando dumani.
Ora News mëson se Erigers Mihasi kishte ardhur ditën e djeshme nga Gjermania në vendin tonë.
Po ashtu bëhet me dije se Armando Dumani nga verifikimet e policisë rezulton të jetë shok dhe komshiu i Erigersit që banon në zonën e Rrugës së Qelqit.
Edhe pse njëri nga viktima kishte vetëm një ditë në vendin tonë, duket se vrasësit kanë ditur dhe studiuar vendndodhjen e tij.
Sipas informacioneve paraprake, një makinë në lëvizje ka studiuar “Audin” ku ndodhej Mihasi dhe Dumani në zonën e Astirit dhe kanë pritur që të futen në kryqëzim, duke ngadalësuar makinën për t’i qëlluar me breshëri.
Autorët janë larguar menjëherë nga vendi i ngjarjes, ndërsa policia ka ngritur postblloqe për kapjen e autoreve.
Ora News përcolli live të gjitha zhvillimet e kësaj ngjarjeje të rëndë që tronditi Tiranën mbrëmjen e sotme.
Raportuan në terren: Edison Vatnikaj, Keti Banushi, Nertila Dosti.
