Vrasja e dyfishtë në Astir me breshëri të “çmendur”, plumbat godasin edhe bordurat e betonit
Nga OraNews Përditësimi i fundit 13 Nëntor 2021, 22:11
Dyshohet se Eriges Mihasin dhe Armand Dumani janë vrarë me breshëri në lëvizje nga një mjet që ka ecur pranë tyre në Astir.
Sipas informacionet paraprake, atentatorët e kanë ndjekur makinë “Audi” të dy viktimave dhe kanë pritur sa të futen në kryqëzim, duke ecur paralel me ta dhe pastaj i kanë qëlluar me breshëri.
Makina “Audi” ka ecur pak metra për shkak të inercisë, ndërsa dyshohet se viktimat kanë vdekur në vend nga plumbat e shumtë.
Ora News nga vendi i ngjarjes sjell edhe atë çka ka mbetur nga atentati, ku në rrugë duke xhama të thyer.
Atentatorët kanë qëlluar nga ana e shoferit dhe në xhamin e parmë, ndërsa trajektorja e plumbave ka qëlluar edhe mbi bordurat ku duken shenjat e thella mbi beton.
Nga ana tjetër, gjatë ushtrimit të kontrollit paraprak në “Audin” ku u ekzekutuan dy viktimat Mihasi dhe Dumani, nuk është gjendur asnjë armë apo send i paligjshëm brenda në makinë dhe trupin e dy viktimave.
Ndërkohë, vrasja është kryer në prezencë të kamerave pasi pikërisht në atë vend janë instaluar kamera nga kompania Salillari që po kryen punime për ndërtimin e Unazës së Re.
Mësohet se makina “Audi” është marrë me qira nga Mihasi, cili kishte mbërritur nga Gjermania ditën e djeshme.
Nga ana tjetër policia konfirmon se ka gjetur një makinë të djegur në Thumanë e cila rezulton e vjedhur dhe dyshohet se është përdorur në atentatin në Astir.
Ora News përcolli live të gjitha zhvillimet e kësaj ngjarjeje të rëndë që tronditi Tiranën mbrëmjen e sotme.
Raportuan në terren: Edison Vatnikaj, Keti Banushi, Nertila Dosti.
