VIDEO/ Tiranë: GPS në trotuar alarmoi policinë e RENEA-n, për 1 orë rruga "Martin Camaj" u rrethua
Nga OraNews Përditësimi i fundit 5 Nëntor 2021, 09:20
Ora 10: 56 Ajo që alarmoi policinë e Tiranës për gati 1 orë ishte thjesht një GPS i modelit të vjetër.
Pas skanimit dhe verifikimeve policia zbuloi se objekti i dyshimtë i gjetur në trotuar dhe i mbështjellë me natriban nuk ishte objekt shpërthyes.
Objekti i dyshimtë u gjet në rrugën "Martin Camaj" në Tiranë paraditen e sotme dhe kjo zona u mbajt e rrethuar për gati një orë.
"Në vijim të informacionit paraprak të dhënë pak më parë në lidhje me sendin e dyshimtë në dukje si radio, që përdoret nga shoqëritë private të ruajtjes dhe sigurimit fizik të objekteve, i cili u konstatua në trotuar, në rrugën “Martin Canaj”, ju bëjmë me dije se: Pas mbërritjes së grupit të ekspertëve antieksploziv të RENEA-s dhe bërjes së ekspertizës nga ana e tyre rezultoi se sendi i konstatuar është GPS lokalizues" informoi policia.
Ora 09:44- Tiranë: Objekti i dyshimtë alarmon policinë, rrethon "Martin Camaj", priten dhe eskpertë të RENEA-s
Një objekt i dyshimtë i hedhur në trotuar ka alarmuar policinë e cila ka rrethuar zonën në rrugën "Martin Camaj" në Tiranë paraditen e sotme.
Objekti i dyshimtë ngjason në dukje si radio, që përdoret nga shoqëritë private të ruajtjes dhe sigurimit fizik të objekteve.
Shërbimet e Policisë të Komisariatit Nr.4 kanë vendosur perimetrin e sigurisë në zonën ku ndodhet sendi i dyshimtë dhe priten të mbërrijnë në vendngjarje ekspertët antieksploziv të RENEA-s.
Policia në vendin e ngjarjes dhe objekti i dyshimtë
VIDEO/ Tiranë: Çanta e dyshimtë alarmon policinë, rrethon zonën tek "Martin Camaj"
Një çantë e dyshimtë është gjetur në rrugën “Martin Camaj” në Tiranë.
Policia ka rrethuar zonën pasi dyshohet se çanta mund të ketë dhe lëndë eksplozive.
Efektivë të komisariatit 4 ndodhen në vendin e ngjarjes dhe po kryejnë verifikimet.
