Kriza energjitike, qeveria lëvron edhe një grant prej 10 mld lekësh
Nga OraNews Përditësimi i fundit 27 Tetor 2021, 14:07
Qeveria ka vendosur një fond pre 10 miliardë lekësh në dispozicion të sektorit energjitik në mënyrë që të mbrojë konsumatorin familjar dhe bizneset e vogla nga kriza energjitike. Balluku, pas mbledhjes së qeverisë u shpreh se duhet të kemi parasysh që çmimet e larta globalisht janë një problem i madh.
Balluku: Ministria e energjisë dhe infrastrukturës ka pasur disa ndryshime të ndara në dy grupe, ato të energjisë dhe ato të infrastrukturës. Sot është marrë vendimi për ofrimin e garancisë sovrane për të vënë në dispozicion të sektorit të energjisë 10 miliardë lekë të cilat do të na krijojnë kushtet për të mbrojtur të gjithë fashën e n familjarë dhe ata të biznesit të vogël. Duhet të kemi parasysh që çmimet e larta globalisht sot janë një problem i madh. Na shqetëson mungesa e sasive energjetike në treg. Ajo që po bëjmë përmes akteve ligjore është krijimi i një mundësie për të siguruar këto sasi.
Balluku bëri me dije gjithashtu se 2 projekt vendime që kaluan sot janë shpronësimet që i hapin rrugë ndërtimit të dy linjave, asaj 110 kilovolt dhe asaj 220. Që të dyja linjat janë të rëndësishme dhe konsiderohen investime kritike sipas ministres.
