Sarandë: Gjendet automatiku që u përdor në grabitjen e shtëpisë së noterit

Nga OraNews Përditësimi i fundit 27 Tetor 2021, 10:48

Policia vijon punën për zbardhjen e autorëve të grabitjes së banesës së noterit , ku persona të paidentifikuar dhe të maskuar, nën kërcënimin e armës dhe dhunës, vodhën një shumë parash

Ngjarja u shënua në lagjen nr  1 të Sarandës më 20 tetor 2021.

Policia thotë se ka mundur të gjejë automatikun që është përdorur në këtë grabitje.

“Specialistët për Hetimin e Krimeve në Komisariatin e Policisë Sarandë, në bashkëpunim me strukturat hetimore të DVP Vlorë, pas një pune intensive hetimore për zbardhjen e ngjarjes së ndodhur më datë 20.10.2021, në lagjen nr.1, Sarandë, ku dy persona të paidentifikuar kanë hyrë në banesën e shtetasit T. K. dhe nën kërcënimin e armës i kanë vjedhur një shumë të konsiderueshme parash në lekë dhe euro, kanë bërë të mundur gjetjen dhe sekuestrimin e armës së zjarrit automatik që dyshohet se është përdorur në këtë ngjarje, si dhe një sasi municioni luftarak” informoi sot policia e Sarandës.

Sarandë: Gjendet automatiku që u përdor në grabitjen e

Arma e zjarrit është dërguar për ekzaminime të mëtejshme laboratorike në Institutin e Policisë Shkencore Tiranë, me qëllim identifikimin me prova shkencore të dy autorëve të ngjarjes.

Nën drejtimin e Prokurorisë, shërbimet e Komisariatit të Policisë Sarandë po vijojnë punën për  identifikimin dhe kapjen e autorëve të ngjarjes.

Materialet shtesë iu referuan Prokurorisë së Rrethit Gjyqësor Sarandë, për veprime të mëtejshme.