Mjeku: Vaksina anti-Covid ul me 6 herë rrezikun për transmetimin e virusit, doza e tretë duhet

Nga OraNews Përditësimi i fundit 25 Tetor 2021, 09:01

"Nëse 1 person vaksinohet, ai është i mbrojtur 10-fish në raport me humbjen e jetës dhe komplikacionet dhe është i mbrojtur  6-fish për sa i përket transmetimit të sëmundjes", tha mjeku Erion Dasho, nëpërmjet një lidhjeje me Skype për emisionin Ditë e Re në  RTV Ora.  

Duke folur për mbrojtjen që ofron vaksina, mjeku pohon se vaksina siguron mbrojtje të mirë, por të pjesshme.

Gjithashtu mjeku komentoi vendimin e Komitetit të ekspertëve për aplikimin e dozës së tretë te personat mbi 60 vjeç.

"Doza e tretë duhet, sepse me kalimin e kohës, pas 6 muajsh eficenca e mbrojtjes ulet.  Rekomandohet për personat mbi 60 vjeç doza e tretë", tha mjeku.

Sipas mjekut, gjatë 3 javëve të fundit në vendin tonë ka pasur një  stabilizlim të situatës, për sa i takon numrit të vdekjeve.Ndërsa numri i rasteve ka një rritje, si pasojë e hapjes së shkollave.