Fier: Djali godet me thikë të atin 80 vjeç
Nga OraNews Përditësimi i fundit 23 Tetor 2021, 13:30
Një 47 vjeçar ka plagosur me thikë të atin. Ngjarja është regjistruar në Levan të Fierit.
“Falë veprimeve të shpejta e profesionale është bërë i mundur neutralizimi i autorit të dyshuar, i cili vuan nga probleme të shëndetit mendor dhe kishte goditur me thikë në banesë babain e tij” informoi sot policia.
Shtetasi S.V., 47 vjeç është shoqëruar në Komisariatin e Policisë Fier për veprime të mëtejshme, ndërsa babai i tij shtetasi D.V., 80 vjeç ndodhet në spitalin rajonal të Fierit jashtë rrezikut për jetën.
