Vaj ulliri, televizor dhe para/ Arrestohet hajduti i Kavajës, ka grabitur 8 shtëpi brenda 3 muajve

Nga OraNews Përditësimi i fundit 15 Tetor 2021, 13:36

Një 28-vjeçar me iniciale XH.K. është arrestuar nga policia e Kavajës pasi akuzohet si autor i 8 vjedhjeve të ndodhura në këtë qytet gjatë tre muajve të fundit. 

Sipas policisë, 28-vjeçari  ka grabitur një televizor në banesën e shtetases Sh. K; disa pajisje elektroshtëpiake në banesën e shtetases T. R.; një shume parash në një biznes;  disa pajisjeve elektroshtëpiake në banesën e shtetasit I. E.;  një shume parash dhe dy aparateve celular në banesën e shtetases A. K.; disa pajisjeve ektroshtëpiake në banesën e shtetases A. Gj.; disa sende me vlerë në banesën e shtetasit P. P; një shumë parash dhe disa sende personale në banesën e shtetasit D. K.

Policia njofton se 28-vjeçari është shpallur në kërkim që prej 13 tetorit, pasi kishte  vjedhur një sasi vaj ulliri në një fabrikë. 

Njoftimi i policisë:

Kavajë

Arrestohet në flagrancë një person i shpallur në kërkim për vjedhje.

Zbardhen dhe dokumentohen 8 vjedhje të tjera në banesat e disa shtetasve në Kavajë, që dyshohen se janë kryer nga ky shtetas.

Në vijim të punës për parandalimin e vjedhjeve, zbardhjen e atyre të ndodhura më parë, evidentimin dhe kapjen e autorëve, si rezultat i një pune të mirorganizuar, specialistët për Hetimin e Krimeve në Komisariatin e Policisë Kavajë bënë arrestimin në flagrancë të shtetasit Xh. K., 28 vjeç, banues në Kavajë.

Ky shtetas ishte i shpallur në kërkim, pasi më datë 13.10.2021, ka vjedhur një sasi vaj ulliri në një fabrikë.

Nga hetimet e kryera dhe provat e siguruara ka rezultuar se ky shtetas është autor i dyshuar dhe i 8 vjedhjeve të ndodhura gjatë tre muajve të fundit, konkretisht: i vjedhjes së një televizori në banesën e shtetases Sh. K; i vjedhjes së disa pajisjeve elektroshtëpiake në banesën e shtetases T. R.; i vjedhjes së një shume parash në një biznes; i vjedhjes së disa pajisjeve elektroshtëpiake në banesën e shtetasit I. E.; i vjedhjes së një shume parash dhe dy aparateve celular në banesën e shtetases A. K.; i vjedhjes së disa pajisjeve ektroshtëpiake në banesën e shtetases A. Gj.; i vjedhjes së disa sendeve me vlerë në banesën e shtetasit P. P; i vjedhjes së një shumë parash dhe disa sendeve personale në banesën e shtetasit D. K.

Materialet iu referuan Prokurorisë, për veprime të mëtejshme.