Makina me turistë hungarezë ngec në mes të lumit, Aventura, gati sa nuk përfundoi në tragjedi. Shikoni momentin kur shpëtohen
Nga Iris Rezhda Përditësimi i fundit 15 Tetor 2021, 13:26
Tre turistë hungarezë kanë arritur të shpëtohen pasi kishin mbetur në mes të lumit, teksa po tentonin ta kalonin me makinë.
Ngjarja është shënuar paraditen e sotme në afërsi të fshatit Plovisht të Maliqit.
Sipas informacioneve paraprake ata kërkonin të kalonin lumin Devoll me makinë por për shkak të thellësisë kanë mbetur brenda.
Lumi ishte bërë i rrezikshëm për shkak të prurjeve të shumta nga reshjet.
Grupi prej 4 makinash me gati 15 turistë po ekspolorin zonën, kur makina e parë e cila po kryesonte karvanin hyri në ujë. Tre makinat e tjera nuk u futën kur panë se bashkëudhëtarët u rrëmbyen nga uji e po rrezikonin jetën.
Zjarrifikësit e Maliqit kanë ndërhyrë për të shpëtuar turistët, dy burra dhe një grua,të cilët ishin brenda makinës.
Fatmirësisht ata shpëtuan pa lëndime.
