Shkëmbi: Morëm më të mirën, ndoshta fitojmë derbin me Tiranën
Nga OraNews Përditësimi i fundit 1 Tetor 2021, 22:07
Në fund të ndeshjes në “Elbasan Arena”, trajneri Bledi Shkëmbi foli për barazimin ndaj Partizanit ku theksoi se rezultati ishte pozitiv duke luajtur me 1 lojtar më pak teksa shtoi se i vjen keq për kartonin e kuq.
“Ashtu siç shkoi ndeshja, barazimi është rezultat i mirë dhe morëm më të mirën e mundshme. Kartoni i kuq? Sofranac gaboi dhe në futboll ndodhin gjëra të tilla. Më erdhi keq sepse deri në ato momente po luanim mirë e gjithsesi dua të falenderoj djemtë për sakrificën që bënë. Të hiqja Ibraimin? Ibraimi mbeti në lojë sepse është pika e referimit në fushë për ne, mund të bëja edhe ndryshime të tjera por fundi ishte i mirë për ne".
A jeni i kënaqur me 6 pikë deri tani në Superiore?
“6 pikë deri tani nuk janë ato që donim por duke parë si shkuan ndeshjet, jam i kënaqur. Sigurisht që mund të bëjmë më mirë dhe të marrim më shumë pikë, jemi optimist por duhet të punojmë. Ndoshta do të fitojmë derbin tjetër me Tiranën”, përfundoi Shkëmbi./Ora News/.
