Saimir Tahiri reagon pas vendimit të Gjykatës së Lartë, avokati zbulon strategjinë e radhës
Nga OraNews Përditësimi i fundit 28 Shtator 2021, 13:24
Gjykata e Lartë riktheu në gjykatën e Apelit dosjen e Saimir Tahirit. Dosja do të gjykohet nga një tjetër trup gjykues.
Ky vendim nuk duket se e ka gëzuar Saimir Tahirin I cili kërkoi që çështja të gjykohej në themel.
“Do ndjekim procedurën e do të shkojmë në gjykatë të Apelit” u shpreh Tahiri në fund të seancës të mbajtur sot në Gjykatën e Lartë.
Ndërkohë avokati i tij Maks Haxhia u shpreh: Kërkimet tona ishin më të mëdha. Donim ta çonte çështjen në themel por Gjykata e Lartë u përqëndrua vetëm në çështje proceduriale pa I hyrë procesit në themel.
Kush është strategjia e radhës
“Strategjia e radhës është të shkojmë në Gjykatën e Apelit dhe do të insistojmë në pafajësinë tonë” u shpreh avokati Maks Haxhia.
