Shtyhet afati, grumbullimet në vende të hapura e të mbyllura nuk do lejohen deri më 20 shtator
Nga OraNews Përditësimi i fundit 17 Shtator 2021, 13:17
Ministria e Shëndetësisë ka vendosur të shtyjë afatin për ndalimin e grumbullimeve në vende të hapura dhe të mbyllura deri më 20 shtator, për shkak të rritjes së shifrave nga koronavirusi.
Urdhri është firmosur nga ministrja e Shëndetësisë Ogerta Manastirliu dhe është publikuar në fletoren zyrtare.
Kjo masë ishte në fuqi deri në datën 6 shtator por është zgjatur deri në fillim të javës së ardhshme.
Në vendin tonë është në fuqi ligji për mbajtjen e maskës në ambiente të mbyllura si dhe ora policore, e cila nis në orën 23:00 deri në 06:00 të mëngjesit.
