Rama bën sërish “plehraxhiun” mbledh në tokë fletët e grisura gjatë votimit në Kuvend
Nga OraNews Përditësimi i fundit 10 Shtator 2021, 18:05
Nuk ishte se si të mos e sillte veten e tij në qendër të vëmendjes edhe në këtë seancë të parë në Kuvend, kryeministri Rama.
Ashtu sikurse në Vlorë teksa mblidhte plehra, Rama sot në kuvend, pasi i është thirrur emri për të votuar për kreun e ri të kuvendit, ai ka mbledhur fletët e grisura në tokë nga deputetët e opozitës.
Ai ka marrë një qese duke futur fletët e grisura, ndërsa në sallë janë dëgjuar edhe zëra deputetësh.
Kjo ka bërë që deputeti Belind Këlliçi, anëtar i komisionit, të reagojë duke thënë se fletët e votimit nuk duhet të preken nga askush deri në përfundim të votimit.
Deputetët demokratë, në shenjë proteste, i kanë grisur fletët e tyre të votimit duke i hedhur në tokë.
Mes deputetëve që i kanë grisur fletët e votimit ka qenë edhe kreudemokrati, Lulzim Basha.
