Katër të arrestuar për drogë në Shkodër, sekuestrohen 19.5 kg kanabis dhe doza kokaine
Nga OraNews Përditësimi i fundit 10 Shtator 2021, 14:14
Sekuestrohen 19.5 kilogramë lëndë narkotike cannabis sativa në Shkodër. Policia e Vau Dejës vuri në pranga shtetasin Gj.D., 44 vjeç , banues në fshatin Kosmaç, Vau Dejës. Lënda narkotike ju gjet në banesë.
Gjithashtu nga kontrolli i ushtruar nga shërbimet e policisë në një serë në pronën e tij u gjetën të kultivuara disa bimë narkotike kanabis.
Po nga ky komisariat u ndaluan shtetasit E.K., 25 vjeç , E.K., 22 vjeç, (vëllezër), banues në fshatin Benë, Vau Dejës.
Nga hetimet e kryera ka rezultuar se shtetasit e lartëpërmendur, janë autorët e dyshuar të disa rasteve të tentativës për kultivim të kanabisit në fshatin Benë, Njësia Administrative Shllak, Bashkia Vau Dejës.
Gjithashtu po në vijim të operacionit nga specialistët për Hetimin e Trafiqeve dhe Narkotikëve në DVP Shkodër u arrestua në flagrancë shtetasi N.D., 40 vjeç banues në fshatin Bleran, pasi në sheshin “Prekë Cali” Shkodër , gjatë kontrollit të ushtruar në automjetin që drejtohej nga shtetasi i lartëpërmendur iu gjetën të fshehura disa doza të vogla të dyshuara lëndë narkotike e llojit kokainë dhe një shumë eurosh, të cilat u sekuestruan në cilësinë e provës materiale.
Nga hetimet paraprake të kryera bazuar dhe në informacionet e marra në rrugë operative dyshohet se ky shtetas merrej me shpërndarje në doza të vogla të drogave të forta kryesisht kokainë.
Materialet procedurale në ngarkim të shtetasve të lartëpërmendur i kaluan Prokurorisë pranë Gjykatës së Shkallës së Parë Shkodër, për veprime të mëtejshme.
