Vrasja e politikanëve në Pejë, arrestohet vëllai i njërit prej viktimave, prokuroria jep detajet
Nga OraNews Përditësimi i fundit 9 Shtator 2021, 12:16
Një ditë pas vrasjes së dy zyrtarëve të lartë të PDK në Pejë, kandidatit për kryetar të komunës së Pejës, Astrit Ademaj dhe Blerand Kadrijaj, ish-kandidat për kryetar të Komunës së Deçanit në zgjedhjet e vitit 2017, policia ka njoftuar arrestimin e vëllait të Ademaj, Avniun, i cili gjithashtu mbeti i plagosur në ngjarje.
"Në lidhje me rastin është konsultuar prokurori i shtetit i cili pas analizimit të rastit ka bërë ri- cilësimin e viktimës së tretë në të dyshuar dhe me vendim të prokurorit, tani i dyshuari është arrestuar dhe është dërguar në mbajtje”, thuhet në raportin 24-orësh të policisë.
Avni Ademaj mbeti i plagosur në dorën e majtë dhe ishte pikërisht ai që i dërgoi viktimat në spital.
