Qepa me 'nam' e Linit, e ëmbël dhe më e preferuara për amvisat

Nga Iris Rezhda Përditësimi i fundit 29 Gusht 2021, 13:00

Fshati turistik i Linit, krahas bukurisë që i ka falur natyra është mjaft i njohur për prodhimin e qepës e cila është nga më të njohurat në vend dhe rajon për ëmbëlsinë që ka.

Banorët thonë se kjo cilësi deri më sot arrihet vetëm në këtë zonë.

"Është vendi që e bën, asgjë tjetër. E ëmbël është qepa jonë, e tretshme, tretet kollaj."

Amvisat shprehen se edhe në gatim kjo qepë është mjaft e preferuar

"Është qepë e mirë, tretet përnjëherë kur e gatuan."

"Lini vetëm qepë mbillte më shumë, ishte qepë e ëmbël, e mirë."




Ndryshe nga shumë fshatra që ankohen për mungesën e tregut, për këtë problem nuk haset asnjë  problem.

"Vijnë nga gjithë Shqipëria, nga Ohri, nga Struga, nga Kosova."

"Nga Tirana, Durrësi nga të gjitha anët e vendit vijnë."

Faktorët kryesorë se përse kjo perime bëhet kaq i ëmbël dhe i butë në Lin janë uji dhe dielli.

Fara e kësaj perime është kultivuar edhe në zona të tjera por nuk ka arritur të njëjtat veti si në Lin./OraNews/