Në kërkim ndërkombëtar për vrasje dhe vjedhje me armë, ekstradohet nga Greqia 44-vjeçari nga Tepelena
Nga OraNews Përditësimi i fundit 29 Gusht 2021, 11:49
Interpol Tirana ka ekstraduar nga Greqia drejt Shqipërisë një shtetas të shpallur në kërkim ndërkombëtar.
Interpol njofton se është ekstraduar shtetasi F. M., 44 vjeç, banues në Tepelenë.
Gjykata e Rrethit Gjyqësor Fier, në vitin 2009, ka caktuar masën e sigurisë “Arrest në burg”, për veprën penale “Vrasje”, “Vjedhje me armë” dhe “Armëmbajtje pa leje”.
Si rezultat i bashkëpunimit të Interpol Tiranës me Interpol Athinën, falë shkëmbimit në kohë të informacioneve ky shtetas është arrestuar në Greqi duke u finalizuar me ekstradimin e tij drejt vendit tonë.
Personi i ekstraduar në PKK Rinas, iu dorëzua Drejtorisë së Përgjithshme të Burgjeve./OraNews/
