Krujë/ Kultivonin kanabis, arrestohen në flagrancë 4 persona, njëri prej tyre i shpallur në kërkim

Nga OraNews Përditësimi i fundit 29 Gusht 2021, 10:51

Katër persona kanë rënë në pranga pas një operacioni për goditjen e veprimtarisë kriminale në fushën e kultivimit të bimëve narkotike në Krujë.

Policia bën me dije se u arrestua në flagrancë shtetasi A. B., 54 vjeç, banues në fshatin Halil, Fushë Krujë, pasi gjatë kontrollit të ushtruar në oborrin e banesës së tij, shërbimet e Policisë kanë gjetur të kultivuar fidanë të dyshuar cannabis sativa.

Specialistët e Hetimit të Krimeve në Komisariatin e Policisë Krujë, arrestuan në flagrancë shtetasit:

- S., 19 vjeç, banues në fshatin Nikël, Krujë, pasi gjatë kontrollit të ushtruar në oborrin e banesës së tij, shërbimet e Policisë gjetën dhe sekuestruan në cilësinë provës materiale një sasi lëndë narkotike cannabis sativa;

- K., 18 vjeç, pasi gjatë kontrollit fizik, iu gjet një sasi lëndë narkotike cannabis sativa;

Gjithashtu, u ndalua shtetasi L. D., 34 vjeç, banues në Krujë, pasi është shpallur në kërkim policor nga strukturat e DVP Shkodër, për veprën penale “Kultivim të bimëve narkotike”.

Shtetasi L. D., iu dorëzua DVP Shkodër për veprime të mëtejshme.

Materialet i kaluan Prokurorisë së Rrethit Gjyqësor Krujë, për veprime të mëtejshme./OraNews/