"Mesazh" sindikalistit të minatorëve, eksploziv makinës së ish-kandidatit për deputet në Bulqizë
Nga Spartak Doçi Përditësimi i fundit 27 Gusht 2021, 08:33
Disa persona janë shoqëruar nga Policia e Bulqizës në lidhje me eksplozivin që shpërtheu në makinën kreut të Sindikatës së Minatorëve të Bashkuar, Elton Debreshi. Ky i fundit kandidoi për deputet i pavarur në zgjedhjet e 25 prillit por nuk mori vota mjaftueshëm.
Një sasi eksplozivi shpërtheu në makinën e kryetarit të Sindikatës së Minatorëve të Bashkuar të Bulqizës, Elton Debreshi.
Ngjarja u shënua rreth një orë pas mesnate, ndërsa mjeti ishte i parkuar pranë banesës së Debreshit, në fshatin Dushaj të njësisë administrative Fushë-Bulqizë.
Ekspertiza tregoi se lënda plasëse ishte e vendosur në pjesën e përparme të mjetit.
Shpërthimi ka qenë i fuqishëm dhe veç automjetit, siç tregojnë pamjet ka dëmtuar edhe një pjesë të murit pranë të cilit ishte i parkuar.
Bullgaria forcon kufirin për migrantët afganë
27 Gusht, 08:26
Kjo foto tregon makinën e e Debreshit në komisariatin e Bulqizës ku mësohet se do ti nënshtrohet ekspertizës së thelluar për të zbuluar gjurmë të mundshme që mund të kenë lënë autorët.
Makina e Debreshit
Ndërkohë blutë kanë shoqëruar disa persona që mund të kenë dijeni për tritolvënien.
Paraprakisht dyshohet se ishte një mesazh direkt kërcënues për kryetarin e Sindikatës së Minatorëve të Bashkuar të Bulqizës, detyrë e që mban prej nëntorit 2019.
Në zgjedhjet parlamentare të 25 Prillit, Elton Debreshi kandidoi i pavarur, por nuk arriti të sigurojë votat e mjaftueshme për tu zgjedhur deputet në parlamentin e ri.
