"Shqiptarët nuk janë trima" PD Korçë: 10 mijë lekë bileta në festën e birrës, të shkarkohet zv. Kryetarja e bashkisë
Nga OraNews Përditësimi i fundit 14 Gusht 2021, 17:09
PD dega Korçë përmes një deklaratë për mediat dënon vendimin e Bashkisë Korçë për pagesën e biletës 10 mijë lekë të vjetra për koncertin e festës së birrës.
Po ashtu, PD Korçë kërkon shkarkimin e Zv/Kryetares së bashkisë Benila Terova, duke shtuar sy organizim publik që nga organizohet me paratë e taksave të qytetarëve të Korçës dhe po shfrytëzohet për përfitime direkte.
Sipas PD Korçë, Terova ka deklaruar për mediat se shqiptaret nuk janë trima, ata janë trima vetëm në FB, duke vazhduar përçmimin ndaj shqiptarëve.
"Deklarata dhe reagime ka pasur prej disa ditësh sa i përket organizimit të Festës së Birrës në qytetin e Korçës, shqetësimeve të artistëve dhe qytetarëve të shumtë i janë bashkuar edhe familjarët e viktimave të genocidit serb. Festa e birrës e cila tradicionalisht bashkonte qytetarët ka vite që është kthyer në ndarëse dhe përçarëse. Ky organizim nga Bashkia Korçë u bënë vite me radhë që me zhvendosjet, klientelizmin dhe paratë publike shpërblehen bizneset e lidhura me Peleshin dhe miqtë e tij.
Ky organizim publik që nga organizatohet me paratë e taksave të qytetarëve të Korçës, shfrytëzohet nga Peleshi për përfitime direkte. Çmenduria shkon deri aty sa për të kaluar në ambiente publike duhet të paguash 10 mijë lek. Për të vazhduar deri në fund skandalin N/kryetarja e Peleshit ka deklaruar për mediat se shqiptaret nuk janë trima, ata janë trima vetëm në FB, e vazhdon përçmimin ndaj shqiptarëve Benila Terova.
Abuzimi, përçmimi dhe tallja me cinizëm ndaj vlerave të shqiptarëve është tejkalim i çdo kufiri. PD dega Korçë kërkon shkarkimin e menjëhershëm të funksionarëve servilë dhe distancimin e institucionit të bashkisë Korçë nga këto deklarata të turpshme. Deklarata të tilla nuk përfaqësojnë vlerat e qytetarëve korçarë dhe vendit tonë. Ne distancohemi dhe përbuzim çdo nënçmim për qytetarët."
Ndërkohë që nënkryetarja e Bashkisë e kontaktuar se fundmi u shpreh se asnjëherë, askund nuk është shprehur se shqiptarët nuk janë trima, apo fjalë të tjera që PD e Korçës shpreh në deklaratën e saj zyrtare.
Terova tërheq vëmendjen PD së Korçës që minimalisht në deklaratat e saj zyrtare të bazohet mbi fakte dhe jo mbi shkrimesh portale të pavërteta.
