Në Kaninë brezat i bashkon festa
Nga Edi Ruçi Përditësimi i fundit 14 Gusht 2021, 14:59
Fshati që qëndron si ballkon mbi Vlorë, me një pamje të mrekullueshme, organizoi për të shtatin vit festën që bën bashkë të rinj e të moshuar.
Synimi është të mos harrohet vendlindja dhe histora qindravjeçare e një nga zonave më të lavdishme të Vlorës, thotë kryeplaku i fshatit Astrit Alilaj.
Doktor Skënder Brataj, me origjinë nga Kanina shprehet se ky takim është mundësi e mirë për t`ju treguar rrënjët e të parëve fëmijëve që kanë lindur jashtë vendit.
Festës ju bashkuan emigrantë që jetën e kanë ndërtuar në shtete të tjera, shqiptarë nga Kosova dhe turistë të huaj.
Kënga polifonike, vallet dhe gatimet tradicionale shoqëruan të pranishmit përgjatë gjithë festës.
