Video/ Tension në Vlorë, momenti kur forcat e policisë tërheqin administratoren e lokalit drejt furgonit
Nga Edi Ruçi Përditësimi i fundit 18 Korrik 2021, 22:58
Protesta e bizneseve në Vlorë kundër orës policore ka nisur që ditën e sotme.
Në orën 22:45 minuta të mbrëmjes së sotme, (18 korrik) baret e restorantet e vendosura pranë Lungomares kanë vendosur në sfond himnin kombëtar.
Me të kaluar ora 22:00 policia u ka kërkuar të ndërpresin muzikën. Të pakta kanë qenë bizneset të cilat kanë refuzuar ta fiknin.
Kjo ka shkaktuar dhe momente tensioni mes bizneseve dhe policisë së shtetit.
Policia e shtetit ka shoqëruar në komisariat një administrator biznesi, më pas ka shoqëruar dhe bashkëshorten e tij.
Ora News ka siguruar momentin kur policia shoqëron dhe tërheq për ta futur në furgon.
Ata janë shoqëruar në komisariat ku për ti mbështetur dhe kërkuar lirimin e tyre kanë shkuar dhe administratorë të lokaleve të tjera të ngritura në lungomare.
