Anglia dominon Ukrainën, golat më të bukur të ndeshjes sipas komentuesve të "Ora Sport"
Nga OraNews Përditësimi i fundit 3 Korrik 2021, 23:37
Nuk mund të ndodhte ndryshe, Anglia ishte superfavorite dhe arrin të respektojë parashikimet teksa dominoi Ukrainën me rezultatin e thellë 4-0.
Të ftuarit në studion e "Ora Sport" kanë zgjedhur dhe golat më të bukur, sipas tyre të kësaj ndeshjeje.
Toti: "Goli që realizoi Harry Maguire ishte shumë i rëndësishëm edhe për ecurinë e ndeshjes, sepse e vuri rezultatin në siguresë. Pra e siguroi Anglinë që do ta fitonte këtë ndeshje. Është një futbollist që është përgojuar shumë për paratë e shpenzuara, pra ka pasur shumë presion."
Xhara: "Mua më pëlqeu goli i parë edhe nga mënyra e realizimit. Ishte duke u rrëzuar, me goditjen me majë këmbë që i merr kohën portierit dhe më pas e çon."
Riza: "Për mua është i treti goli më i bukur. Aksioni është i rrjedhshëm, pritet të bëhet dhe ajo mbipozicioni dhe krosohet topi."
Patushi: "Teknikisht goli i tretë është rrjedhojë që vjen aksioni, por edhe goli i parë është ajo shkalla e vështirësisë. Besoj që këta dy gola ishin tipikë gol anglez. Spektakli është vetëm 4 gola."
Sulçe: "Të merr kohë të zgjedhësh nga 4, por sigurisht i pari. "
